alllife
مرحبا بك عزيزي في منتدانا نتمنى منك ان كنت عضوا ان تسجل الدخول
وان لم تكن من اعضائنا فيشرفن ان تنضم الى اسرة المنتدة بالتسجيل لدينا
Da-MeDooO-rK

alllife

everythng in our life
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 قاموس الكلمات الشامية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Da-MeDooO-rK
ِAdmin
ِAdmin
avatar

الابراج : الميزان عدد الرسائل : 345
العمر : 26
الموقع : aleppo
السٌّمعَة : 5
نقاط : 618
تاريخ التسجيل : 27/01/2009

مُساهمةموضوع: قاموس الكلمات الشامية   الأربعاء مارس 25, 2009 5:31 am

دشرو : يعني حل عنو
ماني غضران : يعني لست بقادر (وهي بالميداني)
يوه تشكلو آسي : يوه مفرده يأتي شرحها لاحقاَ
تشكلو آسي (بعيد الشر) تعبير يفيد شدة حب المتكلم للمتكلم عنه ...
الواه الواه : تعبير نسائي قح يفيد التمسخر على شيء ما
معبّا بـ بنطرون : يعني واحد أجدب وجاية يحكي
ولا : آداة تستخدم في النهر والشتم
وخنان : مسبة مانها ظريفة بس وضعت للضرورة اللغوية
دشّرني : أي حل عني ... وحل عني يعني اتركني بحالي
أيدي بزنارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شعره متل الشوشة : أي أن شعره منفوش ومنكوش
وضرّاب السخن : وهي مسبة.. وتعني .... مابعرف مسبة وبس
يوه الواه الواه : مفردة شهيرة جدأ عند النساء وتفيد الأوية
كوكش : يعني يفتش
بحبش : أيضاً مفردة تعني البحث مع التمحيص
ينمحق : ويعني ينضرب على قامتو .. يسطفل
يبعتلو حمى : أي تصيبه حمى ويمرض
يتحورق : متل يبعتلو حمى
يتقوص : بنفس المعنى
يتأمع : كمان هيك شي
عود يقعد رزك : يعني خيلتنا حاجة تحوص
والمعنى الأدق: يقعد رزك يعني تموت والناس ياكلو رز.. لأنو من المعروف عندما يموت حدى بتصير عزيمة وبيطعمو الناس أوزي على روح الميت والأوزي أكلة معروفة بالشام
وين غاطط : وين مو مبين
والسبع تنعام : يعني إلنا الشرف
حيط بياخذو وحيط بيجيو : تقال للي بيسكر من كتر الترنح
مابيعرف الخمسة من الطمسه : عن الرجل اللي ماعندو ثقافة
سرّي مرّي : عاللي بيخفق برات البيت
شندي بندي : للي بيحكي بلا طعمه شروي غروي
فايت بالحيط – طاقق الفيوز : للدلالة على انو ماعم يلاقي كلمة مناسبة
مجنط : مفلس ولا قرش
كحته : إيدو ماسكه . بخيل
شاطط ماطط : يعني مدلع زيادة
نعيان : يعني قلبو بارد
نايط = نعيان = بارد
شاضومه : بنت مجلوئة .. يعني كيف بدي إلكن ... قليلة أدب ومصبينه
شحاطة : مايلبسه المرء في قدمه عندما يكون في المنزل
تعسيله : نومة بعض الظهر
مسرسبة : يعني بتحب النظافة كتير
أسسييع أوعى الزيت : بمعنى وسع وفسح طريق
أغّيييييى : هي للأبضايات وبس
تأكلو الدودة العميا : يعني الواحد يموت وياكله الدود بعيد الشر
يبعتلو أتلو شو سمج : كمان يعني يموت وسمج يعني غليظ ..
موسوس : مهووس بشغله
عقلو جوزتين بخرج : يعني عقله صغير
متل الأطرش بالزفة : يعني مالو علاقة بالموضوع
حاج تحوص وتلوص : يعني حاجة تفتل وتدور
شوية لرخار : بعد شوي
بنت عمي : يعني مرتو وطبعاً بالعكس

مع ملاحظة قراءة كل حرف ((ق)) ((أ)) ، مثال ((تمحق)) ((تمحأ))
وهذه كلمات متداولة فقط عند أهل الشام الأصليين

_________________
When u loVe SoMeoNe u do EvEryThinG
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alllife.roo7.biz
 
قاموس الكلمات الشامية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alllife :: الحياة ممتعة :: طرائف-
انتقل الى: